Azərbaycanın İstanbuldakı baş konsulluğu Xocalı soyqırımının ildönümü ilə bağlı tədbirlər keçirəcəkdir

16.02.2011 [20:53]
Çap et
A⁺ A^-

Ankara, 16 fevral (AZƏRTAC). Azərbaycanın İstanbuldakı baş konsulluğu Xocalı soyqırımının 19-cü ildönümü ilə bağlı bir sıra tədbirlər keçirəcəkdir.

Baş konsulluq Yalova şəhərindəki Əsassız Erməni İddiaları ilə Mübarizə Dərnəyi ilə birlikdə “Dağlıq Qarabağın işğalı və Xocalı soyqırımı” mövzusunda konfrans təşkil edəcəkdir. İzmirdə isə Heydər Əliyev Fondu İzmir Azərbaycanlıları Dərnəyi ilə birgə anma mərasimi keçirəcəkdir.

Diplomatik nümayəndəliyimiz Xocalı soyqırımı ilə bağlı Türkiyənin nüfuzlu ali təhsil ocaqları olan Spartdadakı Süleyman Dəmirəl adına Universitetində və İstanbuldakı Aydın Universitetində də konfranslar təşkil edəcəkdir. Bundan əlavə, Böyük Birlik Partiyası və İstanbul Ülkü Ocaqları Təşkilatında da Xocalı soyqırımına dair anma mərasimləri keçiriləcəkdir.

Tədbirlərdə Azərbaycan parlamentinin deputatları, tarixçilər, alimlər və politoloqlar da iştirak edəcəklər.

Oqtay Bayramov

AZƏRTAC-ın xüsusi müxbiri

Ankara