Azərbaycanın Qazaxıstandakı səfirliyi Xocalı faciəsinin 19-cu ildönümü ilə əlaqədar mərasimlər keçirəcək
Astana, 17 fevral (AZƏRTAC). Fevralın 21-26-da Azərbaycanın Qazaxıstandakı səfirliyi Astanadakı iki universitetdə Xocalı faciəsinin 19-cu ildönümü ilə bağlı anma mərasimləri keçirəcəkdir.
Səfirliyin müşaviri Nizami Rüstəmov bildirmişdir ki, mərasimlərdə Xocalı faciəsi haqqında geniş məlumat veriləcək, faciəni əks etdirən şəkillərdən ibarət sərgi təşkil olunacaqdır.
Onun sözlərinə görə, səfirlik Qazaxıstanın Xarici İşlər Nazirliyinə, digər dövlət qurumlarına, KİV-ə faciə haqqında məlumatlar toplusu, həmçinin kitab və broşürlər göndərəcəkdir.
N.Rüstəmov demişdir ki, Astana və Almatıda, habelə Qazaxıstanın 12 vilayətindəki Azərbaycan Mədəniyyət Mərkəzləri də Xocalı soyqırımının 19-cu ildönümü ilə əlaqədar anma mərasimləri keçirəcək, bu tədbirlərdə diasporumuzun üzvləri, qardaş qazax xalqının nümayəndələri, jurnalistlər iştirak edəcəkdir.
Qulu Kəngərli
AZƏRTAC-ın xüsusi müxbiri
Astana
Bölmənin digər xəbərləri
