AZƏRBAYCANIN QEYRİ-NEFT SEKTORU XÜSUSİLƏ İNKİŞAF ETDİRİLMƏLİDİR
Qonaq qeyd etmişdir ki, Beynəlxalq Valyuta Fondunun missiyası Azərbaycanda maliyyə sektorunun və neft gəlirlərinin idarə olunması prosesini izləmək niyyəti ilə Bakıya gəlmişdir. BVF “Banklar haqqında” Milli Məclisin qəbul etdiyi Qanunu müsbət qiymətləndirir və “Milli Bank haqqında” Qanunun da tezliklə qəbul olunmasını arzulayır. Neft gəlirlərinin idarə olunması siyasəti elə qurulmalıdır ki, “qara qızıl”dan əldə olunan gəlirlər təkcə indiki nəslə deyil, həm də gələcək nəsillərə çatsın. İqtisadiyyatın digər sahələrinin, yəni qeyri-neft sektorunun neftdən asılılığı azaldılmalıdır. Əhalinin aztəminatlı hissəsinə qayğı artırılmalıdır.
Komissiya sədri S.Səfərov demişdir ki, Azərbaycan Respublikasının Prezidenti ölkəmizin iqtisadiyyatının inkişafı ilə bağlı bir sıra fərmanlar imzalamışdır. Milli Məclis dövlətimizin başçısının iqtisadi sahədə həyata keçirdiyi siyasəti dəstəkləyir və inanırıq ki, yaxın vaxtlarda hamılıqla Azərbaycanda iqtisadi çiçəklənmənin şahidi olacağıq.
Sonra görüşdə qarşılıqlı maraq doğuran bir sıra məsələlər barədə fikir mübadiləsi aparılmışdır.
Bölmənin digər xəbərləri
