AZƏRBAYCANIN VƏ GÜRCÜSTANIN TƏHSİL NAZİRLƏRİ BALAKƏN, ZAQATALA VƏ QAX RAYONLARINDA OLMUŞLAR

26.06.2004 [21:09]
Çap et
A⁺ A^-

Azərbaycan Respublikasının təhsil naziri Misir Mərdanovun və Gürcüstanın elm və təhsil naziri Aleksandr Lomayanın başçılıq etdikləri nümayəndə heyətləri, həmçinin Gürcüstanın ölkəmizdəki fövqəladə və səlahiyyətli səfiri Zurab Qumberidze iyunun 26-da Balakən, Zaqatala və Qax rayonlarında olmuşlar. Nümayəndə heyətlərinin tərkibinə hər iki ölkənin Təhsil Nazirliklərinin, Gürcüstan parlamentinin və kütləvi informasiya vasitələrinin nümayəndələri daxil idilər.

AZƏRTAC-ın müxbiri xəbər verir ki, səfər çərçivəsində nazirlər bu bölgədə yaşayan milli azlıqların - gürcülərin və ingiloyların oxuduqları ümumtəhsil müəssisələrinə baş çəkmiş, Balakən rayonunun İtitala kəndinin, Zaqatala rayonunun Əliabad qəsəbəsinin məktəblərində və Qax şəhərinin

2 saylı beynəlmiləl orta məktəbində pedaqoji kollektivlərlə görüşlər keçirmiş, onların problemləri ilə maraqlanmış, məktəblərdəki təhsil şəraiti ilə yaxından tanış olmuşlar. Qonaqlar bu rayonların 12 ümumtəhsil məktəbinə Gürcüstan dövlətinin hədiyyəsini - gürcü dilində 14369 dərslik və əyani vəsaitlər təqdim etmişlər.

Təhsil nazirləri və digər qonaqlar çıxış edərək hər iki ölkənin prezidentlərinin pəsmi görüşlərindən sonra Azərbaycan-Gürcüstan münasibətlərində yeni mərhələnin başlandığını, bütün sahələr üzrə

əlaqələrin, əməkdaşlığın daha da genişləndiyini xüsusi vurğulamışlar.