Azərbaycanın və Latviyanın xarici işlər nazirləri arasında telefon danışığı olub
Bakı, 4 dekabr, AZƏRTAC
Dekabrın 4-də Azərbaycanın xarici işlər naziri Ceyhun Bayramov ilə Latviyanın xarici işlər naziri Edqars Rinkeviç arasında telefon danışığı olub.
Xarici İşlər Nazirliyinin Mətbuat xidməti idarəsindən AZƏRTAC-a bildiriblər ki, telefon söhbəti zamanı nazirlər bölgədə mövcud olan son vəziyyət, 10 noyabr tarixli Birgə Bəyanatın icrası ilə bağlı məsələlər ətrafında fikir mübadiləsi aparıblar.
Nazirlər, həmçinin ölkələrimiz arasında mövcud olan ikitərəfli münasibətlərdən bəhs edib və çoxtərəfli formatlarda əməkdaşlıq məsələlərini müzakirə ediblər.
Eyni zamanda, Avropa İttifaqının “Şərq Tərəfdaşlığı” proqramında iştirakla bağlı məsələlər nəzərdən keçirilib.
Tərəflər, habelə qarşılıqlı maraq doğuran digər məsələləri müzakirə ediblər.
Bölmənin digər xəbərləri
