Azərbaycanın voleybol millisi Avropa çempionatının təsnifat mərhələsində çıxış edəcək
Bakı, 24 fevral, AZƏRTAC
Voleybol üzrə 18 yaşadək qızlardan ibarət Azərbaycan yığması Avropa çempionatının II təsnifat mərhələsində çıxış edəcək.
Voleybol Federasiyasından AZƏRTAC-a bildirilib ki, komanda martın 27-29-da İspaniyanın ev sahibliyi edəcəyi turnirin C qrupunda mübarizə aparacaq.
Millinin rəqibləri meydan sahibi ilə yanaşı, Estoniya və Niderland komandaları olacaq. Yarışda ölkəmiz Şahin Çatmanın rəhbərliyi ilə təmsil olunacaq.
Qeyd edək ki, Avro-2026-nın II təsnifat mərhələsində 20 komanda 5 qrupda mübarizə aparacaq. Qrup birinciləri qitə çempionatının final mərhələsinə vəsiqə qazanacaqlar.
Avropa Çempionatı
II təsnifat mərhələsi
C qrupu
27 mart
20:00. Estoniya – Niderland
22:30. İspaniya – Azərbaycan
28 mart
20:00. Niderland – Azərbaycan
22:30. Estoniya – İspaniya
29 mart
20:00. Azərbaycan – Estoniya
22:30. Niderland – İspaniya.
Bölmənin digər xəbərləri
