AZƏRBAYCANLA ÖZBƏKİSTAN ARASINDA KƏND TƏSƏRRÜFATI SAHƏSİNDƏ ƏMƏKDAŞLIQ UĞURLA DAVAM EDİR
Kənd Təsərrüfatı Nazirliyinin beynəlxalq əlaqələr şöbəsindən AZƏRTAC-a bildirmişlər ki, iki qardaş ölkə arasında əməkdaşlıq “Özbəkistan Respublikasının Kənd və Su Təsərrüfatı Nazirliyi ilə Azərbaycan Respublikasının Kənd Təsərrüfatı Nazirliyi arasında 2001-2010-cu illərdə iqtisadi əməkdaşlığa dair Proqram” çərçivəsində davam etdirilir. Həmin proqrama uyğun olaraq hər iki ölkənin müvafiq strukturları “Kənd təsərrüfatı və baytarlıq sahəsində əməkdaşlıq haqqında”, “Özbəkistan Respublikası Hökuməti ilə Azərbaycan Respublikası Hökuməti arasında bitki karantini sahəsində əməkdaşlıq haqqında” sazişlər imzalamışlar. Bu proqram çərçivəsində Özbəkistanın və Azərbaycanın müvafiq elmi-tədqiqat institutları elmi texniki əməkdaşlığı və informasiya mübadiləsini həyata keçirirlər.
Bölmənin digər xəbərləri
