AZƏRBAYCANLI GƏNCLƏR ÖZBƏKİSTANDA HƏMRƏYLİK GÜNÜNÜ QEYD ETMİŞLƏR

02.01.2008 [21:40]
Çap et
A⁺ A^-

AZƏRTAC-ın xüsusi müxbiri xəbər verir ki, Özbəkistandakı Azərbaycan Mədəniyyət Mərkəzləri Assosiasiyasının (AMMA) Gənclər Mərkəzi Dünya Azərbaycanlılarının Həmrəyliyi günü münasibəti ilə mərasim keçirmişdir.

Daşkəndin müxtəlif ali məktəblərində təhsil alan azərbaycanlı və türk tələbələrin iştirak etdikləri mərasimdə AMMA-nın icraçı katibi Firdovsi Hüseynov və assosiasiya sədrinin müavini Xasay Abdullayev soydaşlarımızın birliyinin möhkəmlənməsində bu bayramın böyük əhəmiyyəti olduğunu bildirmiş, həmrəylik gününün ümummilli lider Heydər Əliyevin adı ilə bağlı olduğunu qeyd etmişlər.

Gənclər sazda qədim el havalarını, “Azəri qızıarı” uşaq rəqs ansamblının üzvləri isə milli rəqslərimizi ifa etmişlər.

Mərasimdə mahnı, rəqs və bir sıra digər müsabiqələr keçirilmiş, qaliblərə hədiyyələr verilmişdir.