Azərbaycanlı məşqçilərin Bolqarıstanda kurslara cəlb edilməsi barədə fikir mübadiləsi aparılıb
Bakı, 6 iyun, AZƏRTAC
Azərbaycan Uşaq və Gənclər Futbol Federasiyasının (UGFF) prezidenti Asif Əliyev Bolqarıstan Futbol İttifaqının baş katibi Borislav Popovla görüşüb.
AZƏRTAC AFFA-nın saytına istinadla xəbər verir ki, görüşdə iki ölkə arasında diplomatik əlaqələrin qurulmasının 30 illiyi xatırlanıb, bu illər ərzində bütün sahələrdə, o cümlədən idman, eləcə də futbol sahəsində əməkdaşlıq məsələləri qeyd olunub. Həmçinin uşaq futbolunun inkişafı və idarə edilməsi, Bolqarıstan Futbol Akademiyasının inkişafı, strukturu, uşaq futbolunda məşqçilərin maarifləndirilməsi, gələcəkdə azərbaycanlı məşqçilərinin kurslara cəlb edilməsi, Uşaq Futbol Akademiyasında idarəetmə prinsipləri və iş prosesi kimi məsələlər barəsində fikir mübadiləsi aparılıb.
Bölmənin digər xəbərləri
