AZƏRBAYCANLI MÜTƏXƏSSİS DEHLİDƏ TƏLİM KURSU KEÇMİŞDİR

02.12.2005 [10:59]
Çap et
A⁺ A^-

Çoxillik təcrübə nəticəsində sübut edilmişdir ki, kartof istehsalında bu bitkinin botaniki üsulla alınmış toxumlarından əkin materialı kimi istifadə etdikdə həmin bitki xəstəliyə tutulmur. Bu təcrübəni yaymaq məqsədi ilə baş qərargahı Peruda yerləşən Beynəlxalq Kartofçuluq Mərkəzi Hindistanın paytaxtı Dehlidə təlim kursu təşkil etmişdir.

Kənd Təsərrüfatı Nazirliyinin Aqrar Elm Mərkəzindən AZƏRTAC-a bildirmişlər ki, nazirliyin Elmi Tədqiqat Tərəvəzçilik İnstitutunun əməkdaşı Arzu Abbasov həmin təlim kursunda iştirak etmişdir. O demişdir ki, botaniki üsulla alınmış 20 qram kartof toxumu bir hektar sahəni toxum materialı ilə təmin edə bilər. Bu üsulla istehsal edilən toxumun, ondan alınan məhsulun virusla yoluxması, xəstəliyə tutulması istisna edilir.

Mütəxəssislərin fikrincə, botaniki üsulla kartof toxumu istehsalının öyrənilməsi və tətbiqi ölkəmizin yüksək reproduksiyalı kartof toxumu ilə təmin edilməsində mühüm rol oynaya bilər.

AZƏRBAYCANLI MÜTƏXƏSSİS DEHLİDƏ TƏLİM KURSU KEÇMİŞDİR

MÜƏLLİFLƏ ƏLAQƏ

Bölmənin digər xəbərləri