Azərbaycanlıların Mədəniyyət Mərkəzi Xocalı soyqırımı qurbanlarının xatirəsinə həsr olunmuş tədbir keçirəcəkdir
Bakı, 18 fevral (AZƏRTAC). Gürcüstanın Kvemo Kartli-Borçalı bölgəsinin Marneuli şəhərində fəaliyyət göstərən Azərbaycanlıların Mədəniyyət Mərkəzi Xocalı soyqırımının ildönümü ilə əlaqədar tədbir keçirməyi planlaşdırır.
Mərkəzin mətbuat xidmətinin rəhbəri Nərgiz Əliyeva AZƏRTAC-a bildirmişdir ki, tədbirdə Gürcüstanın dövlət rəsmilərinin, qeyri-hökumət təşkilatları təmsilçilərinin, ölkə parlamenti deputatlarının, Azərbaycanın Gürcüstandakı səfirliyi əməkdaşlarının, ictimaiyyətin və KİV-lərin nümayəndələrinin, ali və orta təhsil ocaqlarında təhsil alan tələbə-müəllimlərin iştirakı gözlənilir.
Xocalı faciəsinin ildönümü ilə bağlı iştirakçılara müxtəlif dillərdə hazırlanmış bukletlərin paylanılması, Heydər Əliyev Fondunun vitse-prezidenti Leyla xanım Əliyevanın təşəbbüsü ilə həyata keçirilən “Xocalıya ədalət” Beynəlxalq kampaniyası çərçivəsində veb-portalla tanışlıq, foto və kitab sərgilərinin təşkili, sənədli filmlərin nümayişi nəzərdə tutulur.
Bölmənin digər xəbərləri
