AZERCELL DAHA 2 ROUMİNQ MÜQAVİLƏSİ BAĞLAMIŞDIR

03.12.2005 [11:14]
Çap et
A⁺ A^-

Azercell Telekom Birgə Müəssisəsi beynəlxalq aləmdə fəaliyyətini genişləndirərək daha iki rouminq müqaviləsi imzalamışdır. Müəssisənin yeni tərəfdaşları Kubanın “Cubacel” (Etecsa) və İtaliyanın “Wind” operatorlarıdır.

Birgə Müəssisənin mətbuat xidmətindən AZƏRTAC-a bildirmişlər ki, bu, Azercellin İtaliyanın mobil operatorları ilə bağladığı artıq 4-cü rouminq sazişidir. Şirkət bundan əvvəl “Telekom İtalia Mobil”, “Vodafone” ve “3G” operatorları ilə əməkdaşlıq qurmuşdur.

Bundan sonra İtaliya və Kubada istirahət edən və işgüzar səfərdə olan Azercell abonentləri mobil rabitədən daha rahat və maneəsiz istifadə edə biləcəklər.

Xatırladaq ki, bu günə qədər Azercell Telekom BM 114 ölkənin mobil rabitə operatorları ilə 254 rouminq sazişi bağlamışdır.