“Azəriqaz” İstehsalat Birliyində iməcilik keçirilmişdir
Bakı, 19 noyabr (AZƏRTAC). “Azəriqaz” İstehsalat Birliyinin (İB) təşkilatlarının daxili əraziləri və Qaradağ kompressor stansiyasının sənaye zonasının geniş bir sahəsində iməcilik keçirilmişdir. Tədbirdə “Azəriqaz” İB-nin mərkəzi aparatının əməkdaşları ilə yanaşı, nəqliyyat və xüsusi texnika idarəsinin və layihə-konstruktor bürosunun 500-ə yaxın işçisi iştirak etmişdir. İməcilik zamanı əvvəlcədən əkinə hazırlanmış ərazidə 2 minə qədər müxtəlif növ ting və bəzək ağacları əkilmiş, əvvəllər əkilmiş ağaclara aqrotexniki qulluq göstərilmişdir.
AZƏRTAC xəbər verir ki, həmin gün İB-nin struktur təşkilatlarının daxili ərazilərində də geniş təmizlik və abadlıq işləri aparılmış, məişət və sənaye tullantıları xüsusi poliqona daşınmışdır.
Bölmənin digər xəbərləri
