“Azərişıq”: Smart kart ödənişləri ilə bağlı yayılan məlumatlar həqiqəti əks etdirmir
Bakı, 28 fevral, AZƏRTAC
İnformasiya sistemində aparılacaq yenidənqurma işləri nəticəsində smart kart ödənişlərində 10 günlük problem yaranacağı haqqında sosial şəbəkələrdə yayılmış və abonentlər arasında çaşqınlıq yaradan məlumatlar doğru deyil və həqiqəti əks etdirmir.
AZƏRTAC xəbər verir ki, bu barədə "Azərişıq" ASC-nin yaydığı məlumatda qeyd edilib.
ASC istehlakçıları belə məlumatlara inanmamağa çağırır: “Bütün abonentlərimiz, o cümlədən smart kart istifadəçiləri də, hər zaman ödəniş etdikləri qaydada istədikləri vaxtda və yerdə rahatlıqla ödənişlərini apara bilərlər”.
Bölmənin digər xəbərləri
