“Azərkosmos” optik peyk xidmətləri ixracını 10,2 faiz artırıb
Bakı, 31 avqust, AZƏRTAC
Yanvar-iyul aylarında “Azərkosmos” ASC tərəfindən 27 ölkəyə 28,1 milyon ABŞ dolları dəyərində xidmət (peyk telekommunikasiya xidmətləri və optik peyk xidmətləri) ixrac edilib. Bu ötən ilin müvafiq dövrü ilə müqayisədə 10,2 faiz artım deməkdir.
AZƏRTAC İqtisadi İslahatların Təhlili və Kommunikasiya Mərkəzinin “İxrac icmalı”nın avqust sayına istinadla xəbər verir ki, “Azərkosmos” ASC-nin xidmət ixracından əldə etdiyi gəlir onun ümumi gəlirlərinin 90 faizini təşkil edib.
Cari ilin iyul ayında isə “Azərkosmos” ASC dünyanın 19 ölkəsinə 6,5 milyon ABŞ dolları dəyərində xidmət ixrac edib.
“Azərkosmos” ASC-nin ilin birinci yarısında xidmət ixracı həyata keçirdiyi əsas ölkələr ABŞ, Birləşmiş Krallıq, Fransa, Malayziya və Birləşmiş Ərəb Əmirliyidir.
Bölmənin digər xəbərləri
