“Azərsu” qeyri-iş günlərində gücləndirilmiş rejimdə fəaliyyət göstərəcək
Bakı, 17 iyul, AZƏRTAC
“Azərsu” ASC Qurban bayramı ilə əlaqədar qeyri-iş günlərində gücləndirilmiş iş rejimində çalışacaq.
ASC-dən AZƏRTAC-a bildirilib ki, qeyri-iş günlərində həm mərkəzi idarə aparatında, həm də regional, yerli sukanal idarələri və sahələrində 24 saatlıq növbətçilik təmin olunacaq. Bu məqsədlə “Azərsu” ASC-nin sədr müavinləri, departament və şöbə rəisləri səviyyəsində növbətçilik cədvəli təsdiq olunub. Əhalinin içməli su təchizatında dayanıqlılığın təmin olunması məqsədilə qarşıdakı günlərdə qəza xidmətləri fasiləsiz fəaliyyət göstərəcək.
İstehlakçılardan xahiş olunur ki, içməli su təchizatı və kanalizasiya xidmətlərində yaranacaq problemlərlə əlaqədar “Azərsu” ASC-nin 955 Zəng mərkəzinə müraciət etsinlər. Eyni zamanda, vətəndaşlar (055) 209-95-59 votsap nömrəsi və feysbuk sosial şəbəkəsi vasitəsilə də müraciətlərini ünvanlaya bilərlər. Bayram və qeyri-iş günlərində əhalinin içməli su ilə təchizatında dayanıqlılığın təmin olunması məqsədilə bütün təşkilatı və texniki tədbirlər görüləcək.
Bölmənin digər xəbərləri
