CƏMİYYƏT
AZƏRTAC-ın müxbiri Misir televiziyasında COP29-la bağlı danışıb
Qahirə, 12 noyabr, AZƏRTAC
Azərbaycan Dövlət İnformasiya Agentliyinin (AZƏRTAC) Misir üzrə xüsusi müxbiri Şıxəli Əliyev bu ölkədə geniş tamaşaçı auditoriyasına malik “AlQahera News” televiziya kanalına və “Monte Carlo” beynəlxalq radiosuna müsahibələrində BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) və orada müzakirə olunan məsələlər barədə danışıb.
Agentliyin əməkdaşı COP29 konfransının əhəmiyyətindən, qarşıda duran çağırışlardan, onların həlli yolunda dövlətlərin, o cümlədən bu mötəbər tədbirin ev sahibi olan Azərbaycanın həyata keçirdiyi layihələr, eləcə də iqlim dəyişikliyi ilə mübarizə sahəsində mühüm rolundan danışıb.
