Badmintonçularımız “İran Fəcr Beynəlxalq Çellenc” turnirində iştirak edəcəklər
Bakı, 10 yanvar, AZƏRTAC
Badmintonçularımız fevralın 5-8-də Zəncanda keçiriləcək “İran Fəcr Beynəlxalq Çellenc” turnirində iştirak edəcəklər.
Azərbaycan Badminton Federasiyasından AZƏRTAC-a bildirilib ki, komandamız turnirdə beş badmintonçu ilə təmsil olunacaq. Orxan Qələndərov, Kənan Rzayev, Cahid Əlhəsənov, Səbuhi Hüseynov və Teymur Abbasov turnirin medalları uğrunda mübarizə aparacaqlar.
Ümumi mükafat fondu 25 min ABŞ dolları olacaq yarış şəxsi xarakter daşıyır. Sayca 25-ci dəfə keçiriləcək turnirdə, ümumilikdə 20 ölkənin təmsilçilərinin iştirakı gözlənilir.
“İran Fəcr Beynəlxalq Çellenc” turniri Beynəlxalq Badminton Federasiyasının mövcud qaydaları əsasında keçiriləcək.
Bölmənin digər xəbərləri
