Bahar Muradova: Uşaqların zorakılıq hallarından müdafiə edilməsi diqqətdə saxlanılır
Bakı, 2 oktyabr, AZƏRTAC
Azərbaycanda uşaqların hüquqları, həmçinin informasiya təhlükəsizliyi ilə bağlı hüquqları qanunla tənzimlənir.
AZƏRTAC xəbər verir ki, bunu Ailə, Qadın və Uşaq Problemləri üzrə Dövlət Komitəsinin (AQUPDK) sədri Bahar Muradova “Uşaqların informasiya təhlükəsizliyi: problemə kompleks yanaşma” mövzusunda oktyabrın 2-də keçirilən konfransda deyib.
Oktyabrın 2-si tarixinin BMT-nin qərarı ilə dünyada Beynəlxalq Qeyri-zorakılıq Günü kimi qeyd olunduğunu diqqətə çatdıran komitə sədri həssas təbəqədən olan uşaqların da zorakılıq hallarından müdafiə edilməsini, onların təhlükəsizliyinin təmin edilməsini indiki dövrün vacib məsələlərindən biri olduğunu qeyd edib.
“Ölkəmizdə 2018-ci ildə “Uşaqların informasiya təhlükəsizliyi haqqında” Qanun qəbul olunub. 2021-ci ildə isə Ekspert Şurası yaradılıb. Ailə, Qadın və Uşaq Problemləri üzrə Dövlət Komitəsi uşaqların məsələlərini diqqətdə saxlayır və bu mövzuda seminarlar, təlimlər təşkil edir”, - deyə Bahar Muradova qeyd edib.
Bölmənin digər xəbərləri
