Bakı aeroportu: Gürcüstan aviaşirkətinin bu günə olan reysi ləğv olunub
Bakı, 12 yanvar, AZƏRTAC
Tbilisidə hökm sürən əlverişsiz hava şəraiti ilə əlaqədar “Georgian Wings” aviaşirkətinin Heydər Əliyev Beynəlxalq Aeroportuna yanvarın 12-nə nəzərdə tutulan reysi ləğv edilib.
Beynəlxalq Aeroportdan AZƏRTAC-a bildirilib ki, milli aviadaşıyıcımız AZAL-ın Bakı-Tbilisi və əks istiqamətdə bu günə olan bütün uçuşlarının cədvəl üzrə yerinə yetirilməsi nəzərdə tutulur.
Qeyd edək ki, sərnişinlər uçuş statusu haqqında əlavə məlumatı Bakı hava limanının veb-saytında və ya aviaşirkətlərlə əlaqə saxlayaraq əldə edə bilərlər.
Bölmənin digər xəbərləri
