BAKI FOND BİRJASININ SƏHMDARLARI İLƏ YEKUN VURMUŞLAR

23.03.2004 [17:27]
Çap et
A⁺ A^-

Birjada AZƏRTAC-ın müxbirinə bildirmişlər ki, 2003-cü ildə Bakı fond birjasının(BFB) balans mənfəəti 73738 min manat təşkil etmişdir. Ötən il 455 milyard manatlıq qısamüddətli dövlət istiqrazları yerləşdirilmişdir. İkinci bazarda dövlət istiqrazları ilə hərracların həcmi 29,8 milyard manat təşkil etmişdir ki, bu da 2002-ci ilin göstəricilərindən 3,3 dəfə çoxdur. Səhmlər üzrə 16,8 milyard manatlıq əqdlər bağlanmışdır ki, bu da 2002-ci ilin yekunlarından 4 dəfə artıqdır. Bundan başqa, birjada uzunmüddətli dövlət istiqrazları üzrə 112 milyard manatlıq repo əməliyyatları aparılmışdır.

BFB səhmdarlarının yığıncağında təsdiqlənmiş 2004-cü il büdcəsinə görə, onun balans mənfəəti 8 milyon manat nəzərdə tutulmuşdur, 2004-cü ildə qiymətli kağızlar bazarında fəaliyyətindən əldə edilən gəlirin 1.306 milyon manat, məsrəfin isə 1.297,863 milyon manat olacağı gözlənilir.

Birjanın 2004-cü il üçün inkişaf proqramında əsas fəaliyyətin istiqamətləri arasında korporativ istiqrazlar bazarının inkişafı, Saloniki birjası ilə birgə layihənin gerçəkləşdirilməsi, bazar infrastrukturunun təkmilləşdirilməsi planlaşdırılmışdır.

BAKI FOND BİRJASININ SƏHMDARLARI İLƏ YEKUN VURMUŞLAR

MÜƏLLİFLƏ ƏLAQƏ

Bölmənin digər xəbərləri