BAKI-SUPSA NEFT KƏMƏRİNDƏKİ QƏZA TƏXRİBAT NƏTİCƏSİNDƏ BAŞ VERMİŞDİR
Bakı-Supsa neft kəmərinin Gürcüstan ərazisindən keçən hissəsində - Tbilisidən təxminən 65 kilometr aralıda yerləşən Sveneti kəndi yaxınlığında yanvarın 18-də baş vermiş qəzanın kəməri sıradan çıxarmaq məqsədi ilə törədildiyi bildirilir. İTAR-TASS agentliyindən AZƏRTAC-a daxil olmuş xəbərdə deyilir ki, Gürcüstan Beynəlxalq Neft Korporasiyasının prezidenti Giya Çanturiya bp şirkətinin nümayəndələri ilə birlikdə hadisə yerində olmuşdur. Korporasiyanın prezidenti əmindir ki, qəzanın təxribat nəticəsində törədildiyini göstərən bütün əlamətlər var.
Qəzanin nəticələrini aradan qaldırmaq üçün tədbirlər görülür, dəymiş ziyanın isə minimum olduğu bildirilir. Neft kəmərində təmir işlərini yanvarın 20-də başa çatmışdır. Boru kəmərinə nəzarət sistemi dərhal işə düşdüyünə görə, kəmərdən neftin axması cüzi olmuşdur.
Bölmənin digər xəbərləri
