BAKIDA K-1 ÜZRƏ AZƏRBAYCAN AÇIQ ÇEMPİONATININ İKİNCİ MƏRHƏLƏSİNƏ YEKUN VURULMUŞDUR
AZƏRTAC xəbər verir ki, Bakıda K-1 üzrə Azərbaycanın açıq çempionatının ikinci mərhələsinə yekun vurulmuşdur.
70 kiloqram çəki dərəcəsində keçirilən döyüşlərdə ümumilikdə 8 idmançı mübarizə aparmışdır.
Yarışın yekunlarına görə Gürcüstan idmançısı Dato Cavaxiya finalda həmyerlimiz İlkin Şirinovu məğlubiyyətə uğradaraq qalib adını qazanmışdır.
Qeyd edək ki, ümumilikdə ölkə çempionatı 4 mərhələdən ibarətdir. Artıq iki mərhələnin qalibi məlumdur. Onlar Pərviz Abdullayev və Dato Cavaxiyadır. Növbəti raundlar iyun və iyulda təşkil ediləcəkdir.
Bütün mərhələlərin qalibləri isə sentyabrda keçiriləcək final görüşlərində üz-üzə gələcəklər.
Bölmənin digər xəbərləri
