Bakıda keçirilən iclasda EPPO-ya yeni baş direktor seçilib
Bakı, 25 sentyabr, AZƏRTAC
Bakıda ilk dəfə keçirilən Bitki Karantini və Mühafizəsi üzrə Avropa və Aralıq Dənizi Təşkilatı (EPPO) Şurasının 74-cü sessiyasında quruma yeni baş direktor seçilib. AZƏRTAC xəbər verir ki, təşkilata Olqa Lavrentjeva rəhbərlik edəcək. Estoniyalı xanım vəzifə səlahiyyətlərinin icrasına 2025-ci il yanvarın 1-də başlayacaq.
Onun səlahiyyət müddəti 5 ildir.
Qeyd edək ki, sentyabrın 23-də Bakıda ilk dəfə olaraq EPPO İcraiyyə Komitəsinin iclası, sentyabrın 24-25-də isə EPPO Şurasının 74-cü sessiyası keçirilib. Azərbaycan Respublikası Qida Təhlükəsizliyi Agentliyinin (AQTA) və EPPO-nun birgə təşkilatçılığı ilə keçirilən tədbirlərdə təşkilata üzv dövlətlərdən olan nümayəndələr iştirak edib.
Bölmənin digər xəbərləri
