Bakıda Malayziya səfirliyinin rəsmi açılış mərasimi olub
Azərbaycanda rəsmi səfərdə olan Malayziyanın Baş naziri Mohammad Najib Tun Abdul Razak açılış mərasimdə iştirak edib.
Mərasimdə çıxış edən Malayziyanın Azərbaycandakı səfiri Dato Roslan Tan Sri Abdul Rahman deyib ki, ölkələrimiz arasında diplomatik əlaqələr çoxdan qurulub, lakin səfirliyimiz bu gündən rəsmi fəaliyyətə başlayır. Diplomat ölkələrimiz arasında ikitərəfli əlaqələrin genişləndirilməsi üçün qarşılıqlı marağın və potensial imkanların olduğunu qeyd edib.
Malayziyanın Baş naziri Mohammad Najib Tun Abdul Razak mərasimdə çıxış edərək deyib ki, ölkəsinin hökuməti Azərbaycanda səfirliyin açılması barədə qərarından çox şaddır. Yeni səfirin Azərbaycanda üç il fəaliyyət göstərəcəyini deyən Baş nazir əminliklə bildirib ki, Azərbaycan-Malayziya münasibətləri hər iki tərəf üçün faydalı olacaq.
Sonra Malayziya səfirliyinin rəsmi açılışını bildirən lent kəsilib.
Malayziyanın Baş naziri Mohammad Najib Tun Abdul Razak, Azərbaycanın xarici işlər naziri Elmar Məmmədyarov və digər qonaqlar səfirliyin binası ilə tanış olublar.
Malayziyanın Baş Naziri səfirliyin xatirə dəftərini imzalayıb.
Bölmənin digər xəbərləri
