BAKIDA ŞƏHİD MÜŞFİQ İSAYEVİN XATİRƏSİNƏ HƏSR OLUNMUŞ BEYNƏLXALQ TURNİR KEÇİRİLİR
Onlar görkəmli oftalmoloq alim, akademik Zərifə xanım Əliyevanın da məzarı üstünə tər güllər düzərək xatirəsini yad etmişlər.
Turnir iştirakçıları Şəhidlər xiyabanına gələrək Azərbaycanın müstəqilliyi və ərazi bütövlüyü uğrunda canlarından keçmiş qəhrəman övladlarımızın xatirəsini ehtiramla yad etmiş, onların məzarları üstünə gül düzmüşlər.
Sonra Bakı İdman Sarayında yeniyetmələr arasında 42,50,58,69,85 kiloqram çəki dərəcələri üzrə yarışlara start verilmişdir.
150-dək yeniyetmənin mübarizə apardığı turnirdə ölkəmizin idman şərəfini 40-dan çox sərbəst güləşçi qoruyur.
Gənclər və İdman Nazirliyinin Milli Olimpiya Komitəsi və Güləş Federasiyası ilə birgə təşkil etdiyi turnirdə mükafatlar uğrunda Azərbaycanla yanaşı, Türkiyə, Ukrayna, Rusiya, Gürcüstan, Macarıstan, Özbəkistan və digər ölkələrin idmançıları da mübarizə aparırlar.
Yarışlara yanvarın 13-də yekun vurulacaqdır.
Bölmənin digər xəbərləri
