Bakı, 27 aprel, AZƏRTAC

Bakının təqvimə daxil edilməsindən əvvəl şəhər trasları bəzən darıxdırıcı olurdu, məsələlərin çoxu təsnifatda həll olunurdu, yürüşlərdə isə mövqe uğrunda mübarizə aparmaq demək olar ki, mümkünsüz idi. Buna çoxlu misallar çəkmək olar. Monako, Sinqapur, döngəli şəhər körpüsü ilə Valensiya və Melburnda dörd DRS zonası etmək lazım gəlirdi. Bakı trası digərləri üçün örnək oldu və tamamilə başqa cürdür. Artıq ondan sonra təqvimdə bu tras qədər mürəkkəb və təhlükəli Ciddə meydana çıxdı.

AZƏRTAC xəbər verir ki, Köhnə şəhərdə gözəl sahəsi olan sürətli şəhər trası həm də mükəmməl görünür. Burada yürüşlər gözlənilməzdir. Son altı ildə demək olar ki, bütün pilotlar orada səhv ediblər. Bu dəfə də səhvlərdən sığortalanmaq mümkün olmayacaq. Trası çox vaxt Monako və Montsın sintezi adlandırırlar, lakin bu, toplananların cəmdən maraqlı olduğu bir haldır. Monakoda ən maraqlı olan təsnifatdır, bu zaman pilotlar qəza riskini gözə alaraq son sürətlə hücuma keçirlər. Montsda yürüşün özü maraqlıdır. Bakıda isə onların hamısı maraq doğurur.

Bakıda birinci mərhələ Avropa Qran-Prisi adlanırdı, söyləmək olar ki, dördüncü mərhələ mövsümün Avropa hissəsini açır və növbəti həftədə estafeti Mayami yürüşünə verəcək. Sonra isə sentyabrın əvvəlinədək Montsda davam edəcək.

Qarşıdakı 14 həftə ərzində biz on Qran-Prinin şahidi olacağıq və Formula 1 ilə bağlı olan bütün komandalar üçün heç də asan olmayacaq. Bir tərəfdən, futbol matçları hər həftə keçirilir, lakin Formula 1-in özü ilə apardığı böyük sirk üçün belə qrafik tamamilə ifratdır. Berninin zamanında mərhələlər arasında iki həftə olurdu və növbəti yürüşü gözləmək maraqlı və intriqalı idi. İndi isə azarkeşlər istirahət etmək üçün mərhələlər arasındakı pauzanı gözləyirlər.

Şənbə sprinti ilə keçirilən mərhələ bazar Qran-Prisi ərəfəsində həll olunası kvest sayıla bilər. Əvvəlki format uğursuz idi, komandalar onu uzun müddət müzakirə edirdi və nəhayət, bu həftə qaydaları təsdiq edərək razılığa gəldilər. Onun necə olacağını görəcəyik. Bizi iki müstəqil təsnifat və 100 kilometrlik şənbə sprinti və bazar Qran-Prisindən ibarət, qəzalar istisna olmaqla bir-birinə təsir etməyəcək iki sərbəst yürüş gözləyir.

Əvvəlki formatın baza minusları hələ də qalır. Bunlardan biri cümə təsnifatı və bazar yürüşü arasında qapalı park rejimidir ki, onu azacıq zəiflədiblər. Digəri, pilotların şənbə günü Qran-Pri startından əvvəl maşını zədələməmək üçün risk etmək istəməməsidir ki, bu da Bakıda tamamilə gözləniləndir.

Melburnda deyildiyi kimi, “sizdən heç vaxt neçə sprinti udmağınız barədə soruşmayacaqlar, həmişə əsas sual ondan ibarətdir ki, Qran-Pridə sizin neçə qələbəniz var!”

Favoritlər əvvəlkilərdir. Sıx qrafik və büdcələrin məhdudlaşdırılması rəqiblərə “Red Bull” komandası ilə fərqi azaltmağa imkan vermir. Bundan sonra şassinin yenidən qurulması və ya eyni zamanda bir neçə layihə üzərində işləmək imkanı olmayacaq. İndi hər şeyi büdcə həll edir. Əgər bir komanda mövsümün əvvəlində ciddi üstünlük qazanırsa, onun bunu davam etdirmək üçün problemi olmayacaq.

2023-cü ildəki vəziyyət 2009-cu ildəkinə çox bənzəyir. Həmin vaxt “Brawn GP”də “Honda” mühəndisinin ideyasını həyata keçirərək maşını ikiqat diffuzora qoydular. Hazırda “Honda”nın mühəndisləri “Red Bull Racing” üçün çalışırlar.

Bir çoxları 2024-cü ilin maşını barədə düşünürlər və başa düşürlər ki, yeniliklərin nə qədər effektiv olmasına baxmayaraq, bu mövsümdə vəziyyəti dəyişmək mümkün olmayacaq. Rəqiblər də yerində saymırlar. Lakin bu, cəhdlərin olmayacağı anlamına gəlmir. Bakı trasının xüsusiyyətlərini nəzərə aldıqda, biz böyük yenilikləri görməyəcəyik, lakin onlar İmola və Barselonada baş verə bilər.

Formula 1 Azərbaycan Qran-Prisi aprelin 28-də start götürür və iki təsnifat və iki yarış yürüşü olmaqla, yeni formatda keçiriləcək.