Balear Adaları hökuməti 25 min turistin adaları tərk etməsini istəyir
Madrid, 17 mart, AZƏRTAC
Bu gün Balear Adaları hökuməti 25 min turistdən adaları tərk etməyi xahiş edib.
AZƏRTAC xəbər verir ki, İspaniya sərhəd məntəqələrini bağladığına görə ölkə vətəndaşları və ya vətəndaşlığı olmayan sakinlər buraya qurudan fors-major hallarda daxil ola bilərlər. Daxili İşlər naziri Fernando Grande-Marlaska hava məkanının da bağlanmasını istisna etmir.
İspaniya Səhiyyə Nazirliyi ölkə üzrə 9191 nəfərin koronavirusa yoluxması, 309 nəfərin ölməsi barədə məlumat yayıb. Muxtar icmaların son məlumatlarına görə isə ölənlərin sayı 346-ya çatıb.
Madriddə tibb müəssisələri üçün uyğunlaşdırılmış mehmanxanalar həftənin çərşənbə günündən fəaliyyətə başlayacaq. Mehmanxana sektoru hazırda xəstələrin yerləşdirilməsi üçün paytaxtı 60 minlik yerlə təmin edib.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
