“Barselona” futbol klubunun ötən il üçün maliyyə itkisi 481 milyon avro təşkil edib
Bakı, 1 oktyabr, AZƏRTAC
İspaniyanın “Barselona” futbol klubunun ötən il üçün maliyyə itkisi 481milyon avro təşkil edib.
AZƏRTAC xəbər verir ki, bu barədə klubun rəsmi saytı məlumat yayıb.
Qeyd edilib ki, klubun əməliyyat gəliri 828 milyon avro nəzərdə tutulsa da, 631 milyon avro təşkil edib. Klubun iyunun 30-na olan xalis borcu isə 680 milyon avro təşkil edir. Əməliyyat xərcləri keçən mövsümə nisbətən 19 faiz artaraq 955 milyondan 1,136 milyard avroya yüksəlib ki, bu da “Barselona” tarixində rekord rəqəm olub.
Klubun 2021-2022-ci il mövsümünün büdcəsindəki əməliyyat gəliri 765 milyon avro, xərclər 784 milyon avro səviyyəsində planlaşdırılır.
Bölmənin digər xəbərləri
