CƏMİYYƏT
“Bayraktar Teknoloji Azərbaycan”da 20-yə qədər yerli mütəxəssis fəaliyyət göstərir
Bakı, 2 oktyabr, AZƏRTAC
“Bayraktar Teknoloji Azərbaycan”da 20-yə qədər azərbaycanlı fəaliyyət göstərir.
AZƏRTAC xəbər verir ki, bunu “Baykar" şirkətinin texniki direktoru, “Texnofest” İdarə Heyətinin sədri Selcuk Bayraktar jurnalistlərə açıqlamasında deyib.
“Pilotsuz uçuş aparatlarının təkmilləşdirmə fəaliyyətləri, eyni zamanda, təhsil kimi işlər həyata keçirməsi məqsədilə “Bayraktar Teknoloji Azərbaycan”ı qurmuşduq. Mühəndis komandamız xüsusilə də Teknofest Azərbaycanda iştirak edən azərbaycanlı qardaşlarımızla işləməyə başladıq. Onlar daha çox süni intellekt alqoritmləri və faydası yüksək olan ən dəyərli sahə üzərində fəaliyyət göstərməyə başladılar. Hazırda 20-yə qədər gənc mütəxəssis bu sahədə fəaliyyət göstərir. Bununla yanaşı, digər texniki sahələrlə işləyəcək komandamız da var. Dünyada ən böyük texnologiyaları kiçik, lakin sağlam təməllə qurulmuş komandalar gerçəkləşdirib. “Baykar” da bir zaman kiçik bir komanda ilə qurulmuşdu. Mühəndis komandamız getdikcə böyüyür. Onlar daha yaxşı nəsillər yetişdirəcək, dünya miqyasında ən inkişaf etmiş pilotsuz uçuş aparatı və silahlı pilotsuz uçuş aparatları, onların ağıllı sursatlarını ərsəyə gətirəcək, proqram təminatlarını, avadanlıqlarını inkişaf etdirəcəklər”, - deyə S.Bayraktar bildirib.