Bayram günü Ukrayna ərazisi kütləvi raket hücumuna məruz qalıb
Kiyev, 31 dekabr, AZƏRTAC
Dekabrın 31-i günorta saatlarından başlayaraq Ukrayna ərazisi Rusiya ordusu tərəfindən genişmiqyaslı raket hücumuna məruz qalıb.
AZƏRTAC xəbər verir ki, raket hücumu paytaxt Kiyev də daxil olmaqla ölkənin bir çox bölgələrinə edilib. Kiyev şəhəri və vilayəti üzrə intensiv şəkildə havadan hücum sistemi işləyir. Kiyev meri Vitali Kliçko paytaxtda partlayışların baş verdiyini təsdiqləyib. Merin sözlərinə görə, raketlərdən biri şəhərin Solominski rayonu ərazisinə düşüb, xilasetmə işləri aparılır.
Zaparoyje, Nikolayev, Xmelnski şəhərləri ərazisində də partlayış səsləri eşidilib.
Artıq Kiyevdə, Odessada, Xarkovda, Nikolayevdə, Kirovoqradda, Dnepropetrovski, Sumı vilayətlərində elektrik enerjisinin verilişi dayandırılıb.
Qeyd edək ki, son 3 gündür Ukrayna ərazisi kütləvi raket və kamikadze dronlarının hücumuna məruz qalır.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
