BDU-nun kitabxanaçılıq-informasiya fakültəsində Xocalı soyqırımı qurbanlarının xatirəsi anılmışdır
Bakı, 24 fevral (AZƏRTAC). Bu gün Bakı Dövlət Universitetinin kitabxanaçılıq-informasiya fakültəsində Xocalı soyqırımının 20-ci ildönümü ilə bağlı tədbir keçirilmişdir.
BDU-nun Mətbuat xidmətindən AZƏRTAC-a bildirmişlər ki, fakültənin kafedra müdiri, dosent Knyaz Aslan faciənin Azərbaycan xalqına gətirdiyi bəlalardan danışmış, gənclərin vətənpərvərlik ruhunda böyüməsinin, soyqırımın yaddaşlara yazılmasının vacibliyini vurğulamışdır.
Tədbirdə Tələbə elmi cəmiyyətinin rəhbəri Akif Cəfərov, kitabxana resursları və informasiya axtarış sistemləri kafedrasının əməkdaşı Elçin Gülalıyev, tələbə Rəqsanə Salehi çıxış etmişlər.
Tədbir tələbələrin ifasında səslənən şeirlərlə başa çatmışdır.
Bölmənin digər xəbərləri
