BƏDİİ GİMNASTLARIMIZ İTALİYADA BEYNƏLXALQ TURNİRDƏ QALİB GƏLMİŞLƏR

26.10.2004 [19:11]
Çap et
A⁺ A^-

Azərbaycan gimnastları Anna Qurbanova və Dinarə Gimatova Udində (İtaliya) başa çatan beynəlxalq turnirdə müvafiq olaraq qızıl və gümüş medal qazanmışlar. Respublika Gimnastika Federasiyasından AZƏRTAC-ın müxbirinə bildirmişlər ki, A.Qurbanova şəxsi birincilikdə turnirin qalibi olmuş, D.Gimatova isə ondan cüzi fərqlə geri qalaraq, ikinci yeri tutmuşdur. Azərbaycan komandası ümumi hesabında turnirin iştirakçısı olan 10 ölkə arasında birinci yerə çıxmışdır.

İdman mütəxəssisləri Anna Qurbanovanın uğurlarını və Dinarə Gimatovanın əvvəlki formasını tədricən bərpa etdiyini vurğulayırlar. Mütəxəssislərin fikrincə, İtaliyadakı turnir gimnastlarımız üçün gələcək yarışlar qarşısında yaxşı sınaq olmuşdur.

Xatırladaq ki, gimnastlarımız oktyabrın 29-31-də Hollandiyanın Deventer şəhərində keçiriləcək Beynəlxalq Qran-pri yarışlarında iştirak edəcəklər