Belaruslu idmançı: Bakıda arzuma çatacağıma inanırdım
Bakı, 22 iyul, AZƏRTAC
Yarışlar maraqlı mübarizə şəraitində keçdi. Güləşçilərin öz potensiallarından maksimum istifadə etməsi üçün hər bir şərait yaradılmışdı. Bu il Avropa çempionatında istədiyim nəticəni göstərə biməmişdim. Bakıda arzuma çatacağıma inanırdım. Gənclər arasında keçirilən bu nüfuzlu yarışın qalibi olduğum üçün çox sevinirəm.
Bu sözləri AZƏRTAC-a müsahibəsində yunan-Roma güləşi üzrə Avropa Gənclər Olimpiya Festivalının qalibi, belaruslu idmançı Hleb Makaranka (55 kq) deyib.
O qeyd edib ki, festival yüksək səviyyədə təşkil edilib və yarış iştirakçıları diqqət və qayğı ilə əhatə olunub: “Yarışların keçirildiyi arena çox gözəldir. Burada bizim üçün hər bir şərait yaradılıb. Yarışdan sonra Bakının görməli yerlərini gəzib şəhərlə yaxından tanış olmaq istəyirəm".
Bölmənin digər xəbərləri
