BƏRDƏ PAMBIQÇILARI ƏVVƏLKİ ŞÖHRƏTİ QAYTARIRLAR
Rayon icra hakimiyyətindən AZƏRTAC-ın müxbirinə bildirmişlər ki, kəndli fermer təsərrüfatları, torpaq payçıları ötən il pambıq əkini sahələrini 600 hektar genişləndirmişlər. Pambıqçılar bu il 8 min hektar sahəyə çiyid səpməyi planlaşdırmışlar ki, bu da əvvəlki ildəkindən 2400 hektar çoxdur. Sahələr keyfiyyətlə şumlanmış və arata qoyulmuşdur. “Qarabağ pambıq” Açıq Səhmdar Cəmiyyəti 1500-dən çox kəndli fermer təsərrüfatı və torpaq payçıları ilə müqavilə bağlamışdır. Məhsuldar və keyfiyyətli çiyid toxumu tədarük olunmuşdur.
Bölmənin digər xəbərləri
