Bərdə rayonunda taxıl biçini başa çatıb - məhsuldarlıq 42 sentnerdən çoxdur
Bərdə, 2 iyul, T.Ağaməmmədov, AZƏRTAC
Bərdə rayonunda taxıl biçini tam yekunlaşıb.
AZƏRTAC-ın bölgə müxbiri xəbər verir ki, rayon üzrə payızlıq taxıl əkini aparılmış 13 min 72 hektar sahədən 55 min 220 ton məhsul, o cümlədən 30 min 964 ton buğda, 24 min 256 ton arpa yığılıb.
Taxıl üzrə orta məhsuldarlıq 42.3 sent/ha təşkil edib.
Orta məhsuldarlıq buğda üzrə 44.8 sent/ha, arpa üzrə 39.4 sent/ha olub. Bərdə rayonu arpa üzrə orta məhsuldarlığa görə respublikada ikinci yerdədir. Bu günədək buğda və arpa üzrə ən yüksək məhsuldarlıq Hacıqabul rayonunda qeydə alınıb - 55 sent/ha.
Bölmənin digər xəbərləri
