BƏRDƏDƏ YENİ MÜƏSSİSƏ YARADILMIŞDIR
Ölkə Prezidentinin “Azərbaycan Respublikasında kiçik və orta sahibkarlığın inkişafının dövlət proqramının (2002-2005-ci illər) təsdiq edilməsi haqqında” 17 avqust 2002-ci il tarixli Fərmanından sonra Bərdə rayonunda bir sıra yeni istehsal sahələri yaradılmışdır. Bu günlərdə rayonda tikinti materialları istehsal edən yeni müəssisə işə düşmüşdür. Müəssisədən AZƏRTAC-ın müxbirinə bildirmişlər ki, burada buraxılan 6 adda məhsuldan qonşu rayonlarda da tikinti-abadlıq işlərində istifadə olunur. Yeni müəssisə xammal sarıdan da korluq çəkmir. Tərtər çayının yatağındakı bol çınqıl və qum ehtiyatı müəssisə üçün əsas xammal mənbəyidir.
Bölmənin digər xəbərləri
