ELM VƏ TƏHSİL
BEYNƏLXALQ ELMLƏR AKADEMİYASININ İQTİSADİYYAT BÖLMƏSİNƏ HƏQİQİ ÜZV SEÇİLMİŞDİR
Əmək və Əhalinin Sosial Müdafiəsi Nazirliyinin mətbuat xidmətindən AZƏRTAC-a bildirmişlər ki, martın 19-da nazir Əli Nağıyev MDB Parlament Assambleyası Şurasının baş katibi Mixail Krotov ilə görüşmüşdür.
Səmimi qəbul üçün təşəkkürünü bildirən qonaq Azərbaycan xalqını Novruz bayramı münasibətilə təbrik etmişdir. O bildirmişdir ki, Beynəlxalq Elmlər Akademiyası Ali Məktəbinin 2004-cü il martın 3-də Moskva Dövlət Universitetində keçirilmiş ümumi iclasının qərarı ilə Azərbaycanın əmək və əhalinin sosial müdafiəsi naziri, professor Əli Nağıyevin bu akademiyanın iqtisadiyyat bölməsinin həqiqi üzvü seçilməsi barədə məlumatı çatdırmaq akademiyanın həmin bölməsinin rəhbəri tərəfindən ona həvalə edilmişdir.
Göstərilən etimada görə Əli Nağıyev MDB PA Şurasının baş katibi Mixail Krotova və Beynəlxalq Elmlər Akademiyasının rəhbərliyinə öz təşəkkürünü bildirmişdir.