Bİ-Bİ-Sİ DÜNYA ÇEMPİONATININ OYUNLARINI İNTERNETDƏ GÖSTƏRƏCƏK

05.06.2006 [19:49]
Çap et
A⁺ A^-

AZƏRTAC xəbər verir ki, Böyük Britaniya sakinləri iyunun 9-da Almaniyada start götürən dünya futol çempionatının oyunlarına internet vasitəsilə birbaşa efirdə baxa biləcəklər. Bi-Bi-Si teleradioşirkəti 2006-cı il çempionatın görüşlərinin bütün dünyaya yayımlanması hüquqlarının satışına nəzarət edən İsveçrənin “İnfront Sports ənd Media” şirkəti ilə müvafiq müqavilə imzalamışdır.

Yayımlar tamamilə pulsuz olacaqdır. Bundan başqa, Bi-Bi-Si tamaşaçılarına, dinləyicilərinə və internet istifadəçilərinə hər bir oyunun radioyayımını və onlayn-reportajlarını da təklif edəcəkdir.

Bi-Bi-Si-nin idman yayımları xidmətinin direktoru Rocer Mousinin fikrincə, dünya çempionatı oyunlarının internetdə birbaşa yayımları futbol pərəstişkarlarına bu mühüm idman hadisəsinin gedişini işdən ayrılmadan izləməyə imkan verəcəkdir. Axı, qrup mərhələsi oyunlarının bir hissəsi Avropa vaxtı ilə saat 14-də və ya 15-də başlanacaqdır.

Bİ-Bİ-Sİ DÜNYA ÇEMPİONATININ OYUNLARINI İNTERNETDƏ GÖSTƏRƏCƏK

MÜƏLLİFLƏ ƏLAQƏ

Bölmənin digər xəbərləri