Biləsuvarda baş verən qəzada ölən və yaralananların şəxsiyyəti məlum olub - YENİLƏNİB
Biləsuvar, 16 dekabr, AZƏRTAC
Biləsuvarda baş verən qəzada ölən və yaralanan Lənkəran rayon sakinləridir.
AZƏRTAC-ın bölgə müxbiri xəbər verir ki, Ələt-Astara magistralının Biləsuvar rayonu ərazisində baş verən qəzada Lənkəran rayon Liman şəhər sakini 1995-ci il təvəllüdlü Vüqar Heyrət oğlu Əsgərli ölüb. Həmin nəqliyyat vasitəsində olan Lənkəran rayon Hirkan qəsəbə sakini 1965-ci il təvəllüdlü Tofiq Abbas oğlu Salahlı baş nahiyəsindən xəsarət alaraq Biləsuvar rayon xəstəxanasına yerləşdirilib.
Qeyd edək ki, onların idarə etdiyi nəqliyyat vasitəsi "SƏBA" şirkətinə məxsus olub.
12:55
Biləsuvar, 16 dekabr, AZƏRTAC
Ələt-Astara avtomobil yolunun Biləsuvar rayonundan keçən hissəsində ağır yol qəzası baş verib.
AZƏRTAC-ın bölgə müxbiri xəbər verir ki, minik və yük avtomobillərinin toqquşması nəticəsində 1 nəfər ölüb, 1 nəfər xəsarət alıb.
Yaralı Biləsuvar Rayon Mərkəzi Xəstəxanasına çatdırılıb.
Faktla bağlı araşdırma aparılır.
Bölmənin digər xəbərləri
