Binəqədi rayonunda iki Eldar şamı ağacı qanunsuz kəsilib
Bakı, 9 oktyabr, AZƏRTAC
Ekologiya və Təbii Sərvətlər Nazirliyinin əməkdaşları ekoloji qanunvericiliyin tələblərinə əməl olunması vəziyyətini yoxlamaq məqsədilə növbəti reyd keçiriblər.
Nazirliyin mətbuat xidmətindən AZƏRTAC-a bildirilib ki, reyd zamanı Binəqədi rayonunun Binəqədi qəsəbəsi 2-ci mədən küçəsi 10 k ünvanında, 43 saylı yanacaq doldurma məntəqəsinin ərazisində yaşköküstə, diametri 24-28 santimetr olan iki Eldar şamı ağacının kəsildiyi və təbiətə 1350 manat məbləğində ziyan vurulduğu müəyyən olunub. Faktla bağlı ərazinin mülkiyyətçisi Elnur İbrahimov barəsində akt tərtib edilib.
Dəymiş ziyanın məbləği cinayət tərkibi yaratdığından qanun pozuntusu ilə bağlı toplanmış materiallar məsələyə hüquqi qiymət verilməsi və təqsirkar barəsində qanunauyğun tədbirlərin görülməsi üçün Binəqədi Rayon Prokurorluğuna göndərilib.
Bölmənin digər xəbərləri
