“BİSMAK”IN LƏZZƏTLİ MƏHSULLARI

25.10.2005 [21:14]
Çap et
A⁺ A^-

Tezliklə respublikamızın mağazalarında Sumqayıtın “Bismak” müəssisəsinin məhsulları satılacaqdır. Biskvit və makaron məmulatı istehsal edən həmin iri kompleksin bu yaxınlarda açılışı olacaqdır. 8 hektar ərazidə yerləşən müəssisə ilyarım ərzində tikilmişdir. Yerli “Bismak” şirkəti onun tikintisinə 6,5 milyon dollardan çox vəsait sərf etmişdir. Əvvəlcə burada 2 tondan artıq ərzaq məhsulu – onlarca çeşiddə makaron, vafli, şokolad və müxtəlif biskvit məmulatı istehsal olunacaqdır.

Müasir ərzaq sənayesi müəssisəsi İsveçrənin “Güller” və Türkiyənin “Hümmət” firmalarının modernləşdirilmiş texnologiyası ilə təchiz edilmişdir. Müəssisədə iki dəyirman, 8 min ton taxıl saxlamaq üçün anbar, ayrıca yanğındanmühafizə sistemi, təmizləmə qurğuları, habelə dəqiq tibbi nəzarət üçün xüsusi avadanlıq var. Burada işləmək və istirahət etmək üçün hər cür şərait yaradılmışdır. İşçilərə pulsuz yemək verilməsi və onları evə aparmaq üçün nəqliyyat da nəzərdə tutulmuşdur.

“BİSMAK”IN LƏZZƏTLİ MƏHSULLARI

MÜƏLLİFLƏ ƏLAQƏ

Bölmənin digər xəbərləri