BMT-NİN BAŞ KATİBİ KOFFİ ANNANA ALMANİYA KİV-LƏRİNİN MÜKAFATI TƏQDİM OLUNMUŞDUR
Yanvarın 21-də Almaniyanın Baden-Baden şəhərində BMT-nin Baş katibi Koffi Annana “Almaniya kütləvi informasiya vasitələrinin 2003-cü il mükafatı” təntənəli şəkildə təqdim edilmişdir. Mükafatın təqdim olunması mərasimində ABŞ-ın keçmiş prezidenti Bill Klinton və Almaniya bundestaqının sədri Volfqanq Tirze çıxış edərək, Koffi Annanın şəxsiyyəti və BMT-nin Baş katibi vəzifəsində səmərəli siyasi fəaliyyəti barədə xoş sözlər söyləmişlər.
Xatırladaq ki, ABŞ-ın sabiq prezidenti Bill Klinton da “Almaniya kütləvi informasiya vasitələrinin 1999-cu il mükafatı”na beş il öncə layiq görülmüşdür.
BMT-nin Baş katibi təntənəli təqdimat mərasimindən öncə Baden- Badendə Almaniya xarici siyasət idarəsinin başçısı Yoşka Fişerlə görüşüb söhbət etmişdir.
Bölmənin digər xəbərləri
