BMT-NİN BAŞ KATİBİ ÖLKƏLƏRİN LİDERLƏRİNİ PAKİSTANA YARDIMIN HƏCMİNİ ARTIRMAĞA ÇAĞIRMIŞDIR
Məktubda deyilir: “Qış yaxınlaşdıqca, 3 milyondan çox evsiz-eşiksiz insanı yaşayış yeri ilə təmin etmək üçün getdikcə daha az vaxt qalır. Zərər çəkmiş rayonlara vertolyotlar və azı 450 min qış çadırı və yığma evlər göndərmək lazımdır”.
Annanın sözlərinə görə, hazırda zəlzələdən həlak olanların sayı 42 minə çatmışdır, 67 min yaralı var. Lakin uzaq yaşayış məntəqələrindəki yüz minlərlə insana əl çatmadığından bu rəqəmin xeyli böyük olduğu ehtimal edilir. Baş katib bildirmişdir ki, BMT-nin Pakistana yardım üçün nəzərdə tutduğu 312 milyon dollardan yalnız 43 milyonu ayrılmışdır.
Oktyabrın 26-da Cenevrədə Qlobal səyləri birləşdirmək üçün K.Annanın sədrliyi ilə beynəlxalq konfrans keçiriləcəkdir. Tədbirdə BMT-nin üzvü olan 191 dövlətin nümayəndələri işitirak edəcəklər.
Bölmənin digər xəbərləri
