BMT VƏHŞİ QUŞLARI ÖLDÜRMƏMƏYƏ ÇAĞIRIR
AZƏRTAC xarici KİV-lərə istinadla xəbər verir ki, BMT vəhşi quşları “quş qripi”nin qarşısını almaq məqsədi ilə öldürməkdən çəkinməyə çağırmışdır. BMT-nin Ərzaq və Kənd Təsərrüfatı Təşkilatının bu bəyanatı Vyetnamda vəhşi quşların kütləvi məhv edilməsi barədə məlumatla bağlı yayılmışdır.
BMT ekspertlərinin fikrincə, əsas səyləri vəhşi quşların qırılmasına deyil, “quş qripi”nin ev quşları arasında yayılması üzərində nəzarətə yönəltmək lazımdır. Sənəddə deyilir: “Vəhşi quşların məhv edilməsi vaxt və vəsait baxımından boş məşğuliyyətdir. Bu, hökuməti ev quşlarının çoxalması kimi real təhlükədən yayındırır”.
Bölmənin digər xəbərləri
