BOLİVİYA KƏNDLİLƏRİ FUTBOLA PULSUZ BAXACAQLAR
AZƏRTAC xarici KİV-lərə istinadla xəbər verir ki, futbol pərəstişkarı olan Boliviya Prezidenti Evo Morales dünya çempionatı oyunlarının onun ölkəsində pulsuz telekanallarla yayımlanmasına nail olmuşdur. Yayım hüququnu pullu telekanallardan biri aldığı üçün Boliviya əhalisinin böyük qismi birinciliyin oyunlarını görə bilməyəcəkdi. Lakin Morales kanalın sahibləri ilə razılığa gələ bilmişdir. Doğrudur, görüşlərin hamısını ancaq kənd sakinləri görəcəklər. Dolanışıq səviyyəsinin nisbətən yüksək olduğu şəhərlərdə isə yalnız çempionatın açılışı, yarımfinal və final oyunları pulsuz telekanallarla göstəriləcəkdir.
Bölmənin digər xəbərləri
