Bolqarıstanda yanacaq bahalaşıb
Bakı, 13 mart, AZƏRTAC
Bolqarıstanda son bir həftə ərzində yanacaq qiymətlərində artım qeydə alınıb, ən böyük bahalaşma isə dizel yanacağında müşahidə olunub.
AZƏRTAC Bolqarıstanın BTA informasiya agentliyinə istinadla xəbər verir ki, bu barədə Fuelo platforması məlumat yayıb. Bildirilib ki, Aİ-95 markalı benzininin qiyməti son bir həftədə litri 0,06 avro artaraq 1,36 avroya çatıb. Premium Aİ-98 markalı benzininin qiyməti də 0,06 avro artaraq litri 1,57 avro olub.
Dizel yanacağının qiyməti isə 0,12 avro artaraq litri 1,48 avroya yüksəlib.
Bolqarıstanın Baş nazirinin müvəqqəti müavini Andrey Qurov bildirib ki, yanacaq qiymətlərinin artması fonunda həssas qruplar və müəssisələr üçün dəstək tədbirləri nəzərdən keçirilir.
Bölmənin digər xəbərləri
