Bosniyanın hakimiyyət orqanları Srebrenitsa soyqırımının şahidlərinin məxfiləşdirilmiş adlarını açıqlayan KİV-ləri cəzalandıracaqlar
Bakı, 23 sentyabr, AZƏRTAC
Bosniya və Herseqovinanın hakimiyyət orqanları yerli KİV-lər tərəfindən Keçmiş Yuqoslaviya üzrə Beynəlxalq tribunalda əsas şahidlərdən birinin şəxsiyyətinin açıqlanması faktı üzrə təhqiqata başlayıblar.
AZƏRTAC xəbər verir ki, həmin şahid Srebrenitsa şəhərinin sakinlərinin kütləvi güllələnməsi barədə məhkəmə qarşısında çox dəyərli ifadələr verib. Beynəlxalq tribunal həmin cinayətin soyqırımı aktı olması barədə hökm çıxarıb.
Ölkə qanunlarına görə, şahidin istintaq tərəfindən məxfiləşdirilən adının açıqlanması cinayət əməli və şahidlərin müdafiəsi üzrə dövlət proqramının şərtlərinin pozulması hesab edilir.
Bölmənin digər xəbərləri
