“bp-AZƏRBAYCAN” ŞİRKƏTİ SAHİBKARLIĞA KÖMƏK MƏQSƏDİLƏ YENİ LAYİHƏ HƏYATA KEÇİRİR
“bp-Azərbaycan” şirkəti sahibkarlığa kömək məqsədilə “Ümid” hümanitar və sosial yardım mərkəzinin nəzdində ictimai kredit fondu yaratmışdır.
Şirkətin ictimaiyyətlə əlaqalər şöbəsindən AZƏRTAC-ın müxbirinə bildirmişlər ki, Sumqayıt şəhərində qadın və uşaqların müxtəlif qrupları ilə işləyən “Səma” İctimai Mərkəzi də həmin layihə çərçivəsində kreditlər almaq imkanı qazanacaqdır. Mərkəzin alacağı kreditlər onun üzvlərinə sahibkarlıq fəaliyyəti ilə məşğul olmaq üçün maliyyə fondları yaratmağa imkan verəcəkdir. İqtisadi baxımdan daha əlverişli layihələr hazırlamaq, habelə kreditlərdən səmərəli istifadə etmək bacarığı aşılamaq məqsədilə sahibkarlar üçün təlim kursları da açılacaqdır. İlk öncə 10-12 sahibkara öz biznesini yaratmaq, yaxud genişləndirmək işində dəstək veriləcək, ictimai mərkəz isə kreditlərin faizindən əldə edilən vəsaitin müəyyən hissəsini birgə işlərin maliyyələşdirilməsinə sərf ediləcəkdir.
Bölmənin digər xəbərləri
