BRAZİLİYALI FUTBOLÇU BMT-NİN SƏFİRİ OLA BİLƏR
AZƏRTAC-ın xarici informasiya agentliklərindən aldığı xəbərə görə, İtaliyanın “Milan” futbol klubunun braziliyalı oyunçusu Kaka BMT-nin ən gənc səfiri ola bilər. “Milan”ın son illərdə milli çempionatda qızıl medallar qazanmasında bilavasitə iştirak edən 23 yaşlı futbolçu BMT-nin planetimizdə aclıqla mübarizəyə yönəldilmiş Dünya Ərzaq Proqramının (DƏP) səfiri olmaq niyyətindədir.
Futbolçu demişdir: ”DƏP-in səfiri olmaq və planetimizin aclıq problemindən yaxa qurtarmasına çalışmaq mənim üçün şərəfdir. Futbol mənə çox şey vermişdir, ona görə də indi dünyadakı ac uşaqlar üçün bacardığımı etmək istəyirəm”.
Bölmənin digər xəbərləri
